बालअधिकार समूहद्वारा सडक नाटक प्रदर्शन

कास्की । २०८१ जेठ ३२ गते

मादी गाउँपालिका– ४ मा रहेको धुव्र माध्यमिक विद्यालयमा इन्सेकद्वारा गठन गरिएको बाल अधिकार समूहले जेठ ३१ गते सामाजिक सञ्जालले निम्त्याएको समस्या सम्बन्धि सचेतनामुलक सडक नाटक प्रदर्शन गरेका छन् ।

विद्यालयका प्रधानाध्यापक रामबाबु पौडेलको प्रमुख आतिथ्यतामा गरिएको नाटक प्रदर्शनमा बाल अधिकार समूहकाका विद्यार्थीहरुले सामाजिक सञ्जालको सदुपयाग कसरी गर्ने र सञ्जाल दुरुपयोगले विद्यार्थीको जिवनमा के कति असर पारेको छ भन्ने कुरा प्रस्तुत गरेका थिए ।

कार्यक्रममा प्रधानाध्यापक पौडेलले जल्दोबल्दो सामाजिक सञ्जालको दुरुपयोग भएको कुरालाई नाटक मार्फत प्रस्तुत गरेको देख्दा विद्यार्थीहरु आफैं सचेत समेत भएको बताउनुभयो । उहाँले वर्तमान समयमा सामाजिक सञ्जालको सदुपयोग गर्न सक्नेले प्रगति पनि गरेको तर, यसको दुरुपयोग गर्दा हिंसामा परेको बताउनुभयो ।

बालअधिकार समूहका संरक्षक शिक्षक सिर्जना अधिकारीले बालबालिकाले आफ्नो क्षमता नाटक मार्फत विद्यालयमा देखाएकाले  टोलटोल घरघरमा सामाजिक सञ्जालको दुरुपयोग हुनबाट रोक्न विद्यार्थी भाइबहिनीले पनि भूमिका निर्वाह गर्नुपर्ने बताउनुभयो ।

विद्यार्थीहरुले देखाएको नाटक साच्चिकै समय सान्र्दभिक रहेको उपस्थित शिक्षक तथा अभिभावकहरुले सुनाउनुभयो ।

बालअधिकार समूहका विद्यार्थीहरु हिमाल सुनार, अरुणा सुनार, समीर सापकोटा, सन्ध्या विक, रक्षा सापकोटा, प्रवेश सापकोटा, बबिता सापकोटा र आयुष्मा विकले नाटकको विभिन्न पात्रको भूमिका निर्वाह गरेका थिए ।

सन्जय रानाभाट