बाल अधिकार सचेतना समूहद्वारा सडक नाटक प्रदर्शन

धनुषा । २०८० वैशाख १८ गते

अनौपचारिक क्षेत्र सेवा केन्द्र (इन्सेक) द्वारा गठित बाल अधिकार सचेतना समुहले वैशाख १५ गते बटेश्वर गाँउपालिकामा सडक नाटक प्रदर्शन गरेको छ । बटेश्वर गाउँपालिका स्थित श्री शिव शक्ति माध्यमिक विद्यालय, बटेश्वर र श्री लक्ष्मी माध्यमिक विद्यालय, चित्रपुरका बाल अधिकार सचेतना समूहले सोहि गाँउपालिकाको राम्रो चौकमा “दलित प्रतिको विभेद” नामक सडक नाटक प्रदर्शन गरेको छ । नटकले समुदायमा जातीय भेदभाव तथा दलितहरूमाथी हुने अमानवीय व्यवहार जस्ता सामाजिक कुरिति यथावत रहेको र दलितहरू माथि हुने विभेद न्यूनीकरण बारे सन्देश दिन खोजिएको बाल अधिकार सचेतना समूह मधेस प्रदेशका अध्यक्ष हरिचन्द्र साहले बताउनुभयो । सबै मानिसहरू समान हुन् । कोहि पनि उच्च र तल्लो जातका हुँदैनन् । नेपालको संविधान २०७२ मा पनि विना भेदभाव सबैलाई समान अधिकार उल्लेख भएको अध्यक्ष साहले बताउनु भयो ।

समुदायमा व्याप्त रहेको विकृति र कुरितिलाई अन्त्य गर्न समुदायका व्यक्तिहरू सचेत हुनुपर्ने साथै जिम्मेवार निकायलाई जवाफदेही बनाउने नाटकको मुख्य उदेश्य रहेको थियो । सडक नाटक प्रदर्शनमा श्री शिव शक्ति माध्यमिक विद्यालय बटेश्वर र लक्ष्मी माध्यमिक विद्यालय चित्रपुरका विधार्थीहरू सहभागी भएका थिए । सोहि सडक नाटक प्रदर्शन कार्यक्रममा बटेश्वर गाउँपालिका–४ का वाडा अध्यक्ष निरज कार्की, श्री शिव शक्ति माध्यमिक विद्यालय बटेश्वरका प्रधानाध्यापक प्रमोदशरण केवट, इन्सेक धनुषा जिल्ला सहजकर्ता अनिता यादव, वाडा सदस्यहरू र स्थानीयहरूको उपस्थिति रहेको थियो ।

इन्सेक मधेस प्रदेश कार्यालय