विभेद कायम रहदा मानव अधिकार हनन्

उद्घोष डेली डटकम । २०८२ चैत २४ गते

विराटनगर । अनौपचारिक क्षेत्र सेवा केन्द्र (इन्सेक) कोशी प्रदेशका संयोजक मनोहर पोखरेलले समाजमा विभेदका घटना कायम रहेकाले मानव अधिकार रक्षकहरुको भूमिकालाई थप सशक्त बनाउनुपर्ने बताएका छन् ।

इन्सेक र दलित महिला संघ (फेडो) को आयोजनामा विराटनगरमा शनिबार आयोजित ‘दलितमाथि विभेदको अवस्था र मानव अधिकार रक्षक सञ्जालको भूमिका’ विषयक कार्यक्रममा पोखरेलले समाजमा विभेदका घटनाहरु रहेसम्म मानवअधिकार हननका घटना हुने भएकाले मानव अधिकार रक्षकको भूमिका सशक्त बनाउनुपर्ने बताएका हुन् ।

राष्ट्रिय जनगणनाको तथ्याङ्क विश्लेषणले देखाएको जातिभेद र लिङ्गभेदको सवाल साझा विषय भएकोले मानव अधिकार रक्षकहरुले राज्यलाई कानुन र नीति निर्माण गर्न, बजेटको व्यवस्था गर्न, स्पष्ट संरचना र समुदायको प्रत्यक्ष सहभागिता सुनिश्चित गर्न पहल गर्नुपर्ने बताए ।

फेडोका कार्यक्रम संयोजक नरबहादुर आउजीले असमानता र विभेद बढी भए समृद्धि र विकासको गति कमजोर हुने बताए ।

राष्ट्रिय जनगणना २०७८ का आधारमा आर्थिक, सामाजिक र जनसांख्यिक अवस्थाको तुलनात्मक विश्लेषण गर्दै आउजीले निश्चित समुदाय पछाडि रहेकाले समग्र मुलुक र अन्य समुदायको प्रगति र समृद्धिको यात्रा पनि प्रभावित बनेको बताए ।

कार्यक्रममा कोशी प्रदेशस्तरीय मानव अधिकार रक्षक सञ्जालका संयोजक देबी बाँस्कोटाले कार्यक्रमको उद्देश्य र औचित्यमाथि प्रकाश पारेका थिए ।

Source: https://udghoshdaily.com/news/972656-260404214536/detail

Source: https://newstoday.com.np/2026/04/04/74890

Source: https://shorturl.at/0wdoB

Source: https://publicpress.com.np/2026/3945/

Source: https://shorturl.at/8r1PG

Source: https://jajnews.com/?p=18724

Source: https://www.crimeoperation.net/9645.html

Source: https://shorturl.at/mZzTr

Source: https://www.ablokit.com/news/3000

Source: https://shorturl.at/rz6Xw

Source: https://www.gamghar.com/22304.html