/// Activities \\\

आर्थिक अवस्था कमजोर रहेका धनुषा जिल्ला धनुषाधाम नगरपालिका–५ बस्ने रेडियो धनुषामा कार्यरत २३ वर्षीय पत्रकार गोबिन्द यादवलाई अनौपचारिक क्षेत्र सेवा केन्द्र (इन्सेक)ले ०८३ साउन २९ गते आर्थिक सहायता प्रदान गरेको छ ।

पीडित पत्रकारलाई कानुनी प्रक्रियामा जान तथा स्वास्थ्य उपचारमा सहयोग हुने उदेश्यले मानव अधिकार सहायता कक्षमार्फत नगद १० हजार रुपियाँ प्रदान गरिएको प्रदेश संयोजक राजु पासवानले जानकारी दिनुभयो । मानवअधिकार संरक्षण केन्द्र सञ्जाल सिरहाकी संयोजक तथा मुक्ति नेपालकी अध्यक्ष देवकुमारी महराले र इन्सेक सिरहा जिल्ला प्रतिनिधि दुर्गा परियारले संयुक्त रुपमा सो सहायता रकम हस्तान्तरण गर्नुभयो ।

असार ११ गते कर्जन्हा नगरपालिका– ७ मरेवा टोलमा आरसिसि ढलानको विषयमा स्थानीय र वडा अध्यक्ष बीचको विवाद भइरहेको रिपोटिङ्ग गर्ने क्रममा  यादवलाई  वडा अध्यक्ष ५१ वर्षीय रामसेवक यादव र उनका छोरा २१ वर्षीय गिरिजा यादवले कुटपिट गरेको आरोपमा पीडितले इलाका प्रहरी कार्यालय मिर्चैयामा ०८३ असार १२ गते उजुरी दिएका थिए । इलाका प्रहरी कार्यालय मिर्चैयाका डिएसपी पुरुषोतम पाण्डेले यादवले दिएको उजुरी दर्ता गरिएको र  कार्वाही प्रक्रिया अगाडी बढाउने भन्दै आरोपितहरु फरार रहेकोले खोज तलास भइरहेको बताउनुभयो ।