बालविवाह अन्त्यका लागि बाल अधिकार समूहद्वारा सचेतनामूलक कार्यक्रम सम्पन्न

कास्की । २०८० माघ ९ गते

कास्कीको माछापुच्छ्रे गाउँपालिकामा रहेको शुक्लागण्डकी माध्यमिक विद्यालयका बालअधिकार समूहले ०८० माघ ८ गते बालविवाह अन्त्यका लागि सचेतनामूलक कार्यक्रम सम्पन्न गरेका छन् । कक्षा ६ देखि ९ सम्मका विद्यार्थीहरुको समूहले सडकमा र्‍याली प्रदर्शन गरेका हो । सचेतना कार्यक्रममा विद्यार्थीसहित विद्यालयका प्रधानाध्यापक शान्तिरमण पोखरेल, शिक्षिका प्रतिभा पौडेल, शिक्षक अणनाथ भण्डारी, चेतनाथ रानाभाट सहित विद्यालयबाट ¥याली सुरु गरिएको हो । बालअधिकार समूह र्‍याली प्रर्दशन गर्दै माछापुच्छ्रे गाउँपालिका वडा नम्बर ३ को वडा कार्यालयमा पुगेका थियो ।

उक्त कार्यक्रम मार्फत समाजमा हुने बालविवाहले निम्याउने समस्या तथा बालबालिकाको शारिरिक तथा मानसिक स्वास्थ्यमाथि पर्ने असरको बारेमा जनचेतना फैलाउने काम गरेका थिए । कार्यक्रममा बालअधिकार समूहका बालबालिका, वडा नम्बर ३ का वडा अध्यक्ष, अन्य विद्यालयका प्रधानाध्यापकहरु, समाजसेवी लगायत अभिभावकहरुको उपस्थिति रहेको थियो ।

सन्जय रानाभाट