/// Activities \\\

जुम्ला । २०८२ पुस १० गते

राष्ट्रिय मानव अधिकार आयोग कर्णाली प्रदेश शाखा जुम्लाले गठन गरेको अभिव्यक्ति स्वतन्त्रता संरक्षणका लागि सुरक्षा जिल्ला संयन्त्रको सदस्यमा इन्सेक प्रतिनिधि मानदत्त रावल चयन हुनु भएको छ ।

आयोगले शाखा कार्यालय जुम्लाका प्रमुख कल्पना नेपाल आचार्य संयोजक रहने गरी अभिव्यक्ति स्वतन्त्रता संरक्षणका लागि सुरक्षा संयन्त्र गठन तथा कार्यविधि सम्बन्धी निर्देशिका, २०७५ अनुसार ९ सदस्यीय संयन्त्र गठन गरेको छ । ०८२ पुस ७ गते गठन गरिएको संयन्त्रको सदस्यमा नेपाल पत्रकार महासंघ जुम्ला शाखा, नेपाल बार एसोसियसन जुम्ला, गैरसरकारी संस्था, नागरिक समाज, इन्सेक र संचारकर्मी गरी ९ सदस्यीय अभिव्यक्ति स्वतन्त्रता संरक्षणका लागि सुरक्षा संयन्त्र  गठन गरिएको आयोग जुम्लाका प्रमुख कल्पना नेपाल आचार्यले बताउनु भयो । उहाँका अनुसार हरेक महिनाको अन्तिम मंगलबार वा शुक्रबार महिनाभरी भएका मानव अधिकार उल्लङ्घन तथा ज्यादतीका घटनाबारे जानकारी गराउने र अभिलेखीकरण गरिनेछ ।