/// Activities \\\

पारिवारिक हिंसामा परी अस्पतालमा उपचार गराइरहेकी गोकुलगंगा गाउँपालिका–६ फर्पुकी ३४ वर्षीया शर्मिला तामाङलाई अनौपाचारिक क्षेत्र सेवा केन्द्र (इन्सेक) द्धारा ०८२ चैत २२ गते १० हजार रुपिँया आर्थिक सहायता प्रदान गरिएको छ । इन्सेक प्रतिनिधि नवराज पथिक, मानव अधिकार संरक्षण सञ्जाल रामेछापका संयोजक पाण्डव प्रसाईँ, मन्थली नगर अस्पतालका प्रमुख डा. केशव धामी लगातको उपस्थितिमा मन्थली अस्पतालमा पुगेर पीडितलाई सहयोग रकम हस्तान्तरण गरिएको थियो । तामाङलाई चैत १५ गते राति उनका पति ३६ वर्षीय गोपीलाल तामाङले कुटपिट गरी गम्भीर घाइते  बनाएका थिए । २०७० सालमा प्रेमविवाह गरेकी शर्मिलालाई बिवाह गरेदेखि नै पतिले कुटपीट गर्दै आएको पििडतको भनाई छ । कुटपिटबाट घाइते शर्मिलाको सुरुमा तामाकोशी अस्पताल मन्थलीमा उपचार गरिएको थियोे । दुई दिन पछि मन्थली नगर अस्पतामा उपचार सुरु गरिएकोमा दाँतमा समस्या भएपछि थप उपचारको लागि काठमाडौं पठाइएको थियो । काठमाडौंमा दाँतको उपचार गरेपछि पुन : ०८२ चैत २१ गतेदेखि मन्थली अस्पतालमा नै उपचार सुरु भएको छ । उनीसँगै १२ वर्षीया छोरी गुञ्जन तामाङ र ७ वर्षीय छोरा सुजल तामाङ साथमा छन् । उनका पतिलाई घरेलु हिंसाको आरोपमा प्रहरीले चैत १७ गते गिरफ्तार गरेको छ । यसैबिच, मानव अधिककार संरक्षण सञ्जाल रामेछापका संयोजक पाण्डव प्रसाईँले पीडितलाई न्याय दिलाउन आवश्यक पहल गर्ने प्रतिवद्धता जनाउनुभयो । पीडित महिलाले आफूलाई बारम्बार यातना दिने गरेको र कुटपीट पछि पनि आफ्नो चरित्र हत्याको काम गरिएको बताउनुभयो ।