रसुवा । २०८३ असोज ५ गते

लेन्दे खोला हुदै भोटेकोशी नदीमा आएको बिनाशकारी बाढीले क्षति पुर्‍याएको फलाखु खोलामा अस्थायी फट्के (काठको पुल) पुन निर्माण गरिएको छ । यसअघिको काठको पुल बगाएपछि स्थानीयले पुनः काठको पुल बनाएका हुन् ।

रसुवा र नुवाकोटको सिमाना भएर बग्ने उक्त खोलामा काठको पुल निर्माण भएसँगै पैदल यात्रुहरूका लागि आवतजावत सहज भएको छ ।

बाढीले पक्की पुल र सडक खण्डमा गम्भीर क्षति पुर्‍याएपछि रसुवाको उत्तरगया गाउँपालिका र नुवाकोटको विदुर नगरपालिका जोड्ने मुख्य पासाङल्हामु राजमार्ग पूर्ण रूपमा अवरुद्ध बनेको थियो। सडक सञ्जाल विच्छेद हुँदा स्थानीयवासीले ठूलो सास्ती व्यहोर्दै आएका थिए।

सर्वसाधारणको दैनिकी र आउजाउलाई सहज बनाउन सुरक्षा निकाय र स्थानीयवासीको संयुक्त श्रमदानमार्फत उक्त अस्थायी काठे पुल तयार पारिएको हो। बेत्रावतीमा फट्के बनेसँगै दुई जिल्ला जोड्ने पैदल मार्ग पुनः सञ्चालनमा आएको छ, जसले स्थानीयवासीलाई ठूलो राहत मिलेको छ।

राजु आचार्य