HUMAN RIGHTS NEWS PORTAL
तीन महिलाको हत्यारा पत्ता लगाउन राष्ट्रिय महिला आयोगलाई ज्ञापनपत्र
खोटाङ टुडे डटकम । २०७९ वैशाख १५ गते
एक किशोरीसहित दुई महिलाको हत्या भएको पाँच वर्ष वित्दा पनि हत्याराको पत्ता नलागेको भन्दै राष्ट्रिय महिला आयोगका अध्यक्ष कमला पराजुलिलाई ज्ञापनपत्र बुझाएको हो। बिहिवार जिल्ला समन्वय समितिको सभाहल दिक्तेलमा आयोजित बालबिवाह प्रजनन, स्वास्थ्य र गर्भपतनको बिषयक सचेतनामुलक कार्यक्रममा आयोगलाई ज्ञापनपत्र बुझाउदै २०७३ माघ २६ गते बुधबार विभत्स अवस्थामा मृत फेला परेकी खोटेहाङ गाउँपालिका–९ लिच्कीराम्चेकी १७ वर्षीया रिता तामाङ, २०७४ जेठ १६ गते हत्या गरिएकी हलेसी तुवाचुङ नगरपालिका–७ महादेवस्थानकी ५७ वर्षीया ज्ञानीमायाँ बिश्वकर्मा र २०७४ साउन ४ गते हत्या गरिएकी जन्तेढुंगा गाउँपालिका–६ दिप्लुङकी ३७ वर्षीया देवी बिकको हत्यारा पत्ता नलागेकाले आयोगमा ध्यानाकर्षण गराईएको इन्सेक प्रतिनिधि तारानाथ फुयलले बताउनुभयो। सिम्पानीबजारको एक होटलमा काम गर्दै आएकी रिताको शव कुसेऔंशी जंगलको बाटोभन्दा करिब ४० मिटर तल भीरमा भेटिएको थियो। घट्नास्थल मडारिएको, घस्रिएको पाइएकाले युवतीलाई सामुहिक बलात्कारपछि हत्या गरिएको आशंका गरिएको छ। गाईवस्तुलाई स्याउला काटेर घर फर्कनेक्रममा ज्ञानीमायाँको ईलाका प्रहरी कार्यालय महादेबस्थानभन्दा करिव पैदल पाँच मिनेटको दुरीमा हत्या भएको थियो।
यस्तै, माईती घर जन्तेढुंगा गाउँपालिका–४ डम्बर्खुशिवालयबाट दिप्लुङ घर फर्कनेक्रममा सम्पर्क विहिन बनेको दोश्रो दिन फेला परेकी देबीको शव सडकभन्दा करिब पाँच सय मिटर तल कम्मरमुनिको कपडा खोलिएको, टाउकोबाट रगत बगिरहेको अवस्थामा भेटिएको थियो। घट्ना भएको पाँच वर्ष बितेसकेपनि घट्नाका दोषीको हालसम्म पत्ता नलाग्नु र कानुनी कारबाहीको प्रक्रिया अघि नबढेकाले पीडित परिवारले राज्य हुनुको अनुभूत गर्न नसकेको अवस्था छ। किशोरीसहित तीनजनाको यौनजन्य घट्नापछि हत्या भएको तत्कालिन प्रमाणका आधारमा पीडित परिवारलाई न्याय दिलाउनु राज्यको प्रमुख जिम्मेवारी हो। फुयलद्धारा हस्ताक्षर गरिएको ज्ञापन पत्रमा भनिएको छ। ‘घट्नाको वस्तुनिष्ठ छानबिन गरी पीडित परिवारलाई न्यायसहित आम नागरिकलाई राज्य र मानव अधिकारको प्रत्याभूति दिलाउन आयोगलाई ध्यानकर्षण गराउन चाहान्छु।