HUMAN RIGHTS NEWS PORTAL
बाल अधिकार चेतना समूहसे जनचेतनामुलक सडक नाटक प्रदर्शन
पहुरा डटकम । कञ्चनपुर । २०७९ चैत १६ गते
अनौपचारिक क्षेत्र सेवा केन्द्र (इन्सेक) से कञ्चनपुरके गोकुलपुर बजारमे सडक नाटक प्रर्दशन करले बा ।
दुई विद्यालय बेलौरी नगरपालिका–२ गोकुलपुरस्थित लक्ष्मी माध्यमिक विद्यालय ओ वार्ड नं. ३ स्थित जनजागृती पुष्पलाल स्मृती माध्यमिक विद्यालयमे गठित बाल अधिकार चेतना समूहके संयुक्त टोलीसे लागु औषध दुव्र्यशनीसे समाजमे परटी रहल असर ओ न्यूनिकरणमे सरोकारवालाहुकनके भुमिका विषयमे सडक नाटक तयार पारके प्रदर्शन करल हो ।
मानव अधिकार शिक्षा कार्यक्रम अन्तर्गत स्थानीय समुदायहे अधिकार ओ कर्तव्यप्रति सचेत परटी जिम्मेवार निकायहे जवाफदेही बनैना उद्देश्यसे बाल अधिकार चेतना समूहसे सडक नाटक प्रदर्शन करल हो । सडक नाटक प्रदर्शनमे शिक्षक, अभिभावक, मानबअधिकार समुहके सदस्य लगायत सयौंके संख्यामे स्थानीयहुकनके उपस्थिति रहल रहे ।
सडक नाटक प्रदर्शन कार्यक्रममे बालबालिकासे लागुऔषध दुव्र्यशनीसे समाजमे परटी रहल नकारात्मक असर ओ रोकथामके लाग सरोकारवालाहुकनके भुमिका झल्कैना प्रयास करल रहे । मानवअधिकार समुहके अध्यक्ष गोविन्द सापकोटा बालबालिकाहुक्रे प्रस्तुत करल सडक नाटक सन्देशमुलक रहल बटैटी यैसिन खाले सडक नाटक प्रस्तुत करेबेर विषयवस्तुके कानूनी ज्ञान हुई पर्ना बटैलै । १३ जाने पात्र रहल सडक नाटकमे बालबालिका, विद्यालय, शिक्षक, वडाअध्यक्ष, स्थानीय मदिरा व्यापारी, मदिरा सेवन करटी रहल सघरीया, प्रहरी लगायतके लागु औषध दुव्र्यशनी न्यूनिकरणमे हुई सेक्ना भुमिका झल्कन खालके कथा प्रस्तुत करल रहे ।