HUMAN RIGHTS NEWS PORTAL
मानव अधिकार रक्षक सञ्जाल, कञ्चनपुरका सदस्य उद्धबराज भट्टले जिल्लामा लैङ्गिक हिंसा प्रभावितहरूका लागि सुरक्षित आवास गृह नभएका कारण महिला अधिकारका क्षेत्रमा काम गर्ने अधिकार रक्षकहरूलाई समस्या भएको बताउनुभयो ।
यसैगरी मानव अधिकार रक्षक सञ्जाल, कञ्चनपुरका सदस्य प्रभुनिधि पन्तले मानवअधिकार रक्षकहरुको स्थानिय स्तर सम्म सञ्ंजाल निर्माण गरिनुपर्ने बताउनुभयो । पन्तले स्थानिय स्तरमा रहेका मानवअधिकार रक्षकहरु बढी जोखिममा हुने भएकोले स्थानिय स्तरसम्म सञ्जाल निर्माण गर्नुपर्ने बताउनुभयो ।
अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय धनगढीका संयोजक खडकराज जोशीले आगामी बर्षमा मानवअधिकार रक्षकहरुको सुरक्षा र क्षमता अभिबृद्धी गर्ने आगामी परियोजनाका लागी आवश्यक छलफल गरेको बताउनुभयो ।
अनौपचारिक क्षेत्र सेवा केन्द्र (इन्सेक) डिसिए परियोजना संयोजक सरिता पुरीले सहजिकरण गरेको कार्यक्रममा मानव अधिकार रक्षक सञ्जाल, कञ्चनपुरका प्रतिनिधिहरुको सहभागिता रहेको थियो ।
महिला हिंसा पिडितलाई मानव अधिकार सहायता कोषबाट सहयोग
मानव अधिकार सहायता समिति सुदुरपश्चिम र इन्सेक धनगढीले आइतवार महिला हिंसा पिडितलाई कानुनी सहायताका लागि सहयोग स्वरुप १० हजार रुपियाँ प्रदान गरेको इन्सेकका प्रदेश प्रमुख खडकराज जोशीले बताउनु भयो ।
डिसिएको सहयोगमा स्थापना गरिएको मानव अधिकार सहायता कोषबाट सहयोग गरिएको प्रदेश प्रमुख खडकराज जोशीले बताउनु भयो ।
जिल्ला अदालत, कञ्चनपुरमा पतिका विरुद्ध कानुनी लडाइको प्रक्रियामा रहेकी भिमदत्त नपा– १९ की कञ्चन खडायतले आर्थीक अबस्था कमजोर रहेको र कानुनि सहायता गर्नका लागी मानव अधिकार रक्षक सञ्जाल, कञ्चनपुरलाई आग्रह गरेपछि सञ्जालको सिफारिसमा पिडित खडायतलाई कानुनी सहायताका लागी रकम सहयोग गरिएको सञ्जालका सदस्य उद्धवराज भट्टले बताउनु भयो ।
इन्सेकका प्रदेश प्रमुख खडकराज जोशी र सञ्जालका सदस्य उद्धवराज भट्टले पिडित खडायतलाई नगद रकम १० हजार रुपियाँ हस्तान्तरण गरेका थिए ।
